كصيده لشاعر الجبور -ابوعبد-لطيف حسن الملا علي

ستغفرت انا ربي على بعض الخطايا والذنوب=واستجرته منوساويس النفس وافكارها
واكثر التسبيح باسمه في صباحه والغروب=واحمده حمدن شكورن بالعلن واسرارها
حسبي عليها الله ليمنها اسلكت بعض الدروب=وعهدن مني لحبسك يانفس بين اسوارها
وانا ليامن ربي يأمرني ويكلي توب توب=كيف بمشي سالك دروب الوعر وخطارها
والله ليامن حاولت تطغى لجحمها بحروب=واردعها ردع يشيل ايمينها وايسارها
اللي استهانت بالخلك لاشك بها بعض العيوب=وان كان هي عميه بعد حينن تروك اخبارها
وان اكبلت لي دنيتي بعذب النسايم والهبوب=انا علي واجب اكدر زغارها واكبارها
ونفسي ليا غرها الزمن هذا يخليها تشوب=واشمخ بعزتها اذا كان التواضع كارها
وانا ليامني كبرت ابين ربعي ومحبوب=مودة اصحابي ثمنها بي غلاة اسعارها
والرجل ليمن نكر ذاته ترى هذا وجوب=والشموخبذروة الغير من اذل اعمارها
ومن تجاهل لامته يحسب من الواقع هروب=مدون بسجلن حفيضن مايفيد انكارها
والي غرته الزهايد ماهو غالب ومغلوب=شماكسب من دنيته يعتبر من خسارها
وكل يقيني رزكي ياتيني وانا ماني لغوب=ولامهنتي جمع مال ولاني من حكارها
والفتى لو كان ثوبه من العطا يالكله ثوب=يجذب عيون الخلايك نعم بستزغارها
ويافتى ثوب استعاره ماهو ذخرلك بثوب=ولايدفي ولايدوم وفيه وصمة عارها
والرجل مهما تلفظ اونطك فيه محسوب=الكلام اللي نطك به يعرض لخبارها
وحكمتي لهل الخشوم العاليه عنهم ينوب=اشعث الناس وارثهم عندي من كبارها
وماابالغ في كلامي والله عالم بالكلوب=بداخلي اسرارن كثيره مكتم اعن اجهارها
وماابيحه لجل مفكد هيبتي وانا مهيوب=الحمدلله بخوة احبابن جزيت ابحارها
وهذا شاني ابين ربعي صادك وماني كذوب=والدليل اني اتضجر من جليس اشرارها
اللي ثكب جلباب غيره وكل جلبابه ثكوب=طوكت فيه الدنائه ويركص اعلى اوتارها
وقد يجوز اوصاف هاك الرجل في بعض الشعوب=لكن الاسلام واطباع العرب موكارها
بصفوة الدين الحنيف انستعين من الكروب=بالدعاء المستجاب وثم باستغفارها
ومن يخالف سيرة ونهج النبي عنه محجوب=نور ربه ومابها تشكيك من فجارها
وكل شي خلاف نهج الله لابد مايذوب=والربح فيها تخطاها وجزى معبارها
في ختامه نبتهل لله علام الغيوب=يعطينا في جنة الفردوس نعم ديارها
والصلاة على النبي فرضن ثم وجوب=اعداد مالبت حجيج الله في مشوارها

وسلامتكم---شاعر الجبور ابو عبد--لطيف حسن الملا علي

ونعم من عمنا الشاعر
لطيف الحسن الملاعلي
و صح السانه
و
شكرا على النقل
..................

حي الله اخت نورا الجبوري
ونعمين من الشاعر ابو عبد

________ا لتــوقيع _________

الباحث الحقوقي
وليد الصكر

كلام عذب ولطيف ..ونعم من شاعر الجبور لطيف حسن الملا علي

ومشكورة بعد اختنا نورا الجبوري على النقل الرائع

» الاديب الشاعر لطيف الحسن الملاعلي الجبوري ابوعبد
» الشيخ موسى الملا حمد (1800-1865) م
» الشيخ محمد الملا وسمي الثلاب
» انا لله وانا اليه راجعون ...عزاء((الملا منصور))
» موسوعة الانساب والاسر الموصلية ..لقب الملا او الحاج