الدخيل عند البدو

موضوع: الدخيل عند البدو 2008-02-26, 12:43 pm

الدخيل عند البدو
[color=darkblue]-----------------------------------------

انواع الدخلاء عند اغلب القبائل

الاول: الطريد :
.....................
الطريد هو اذا وقع الشر بينك وبين خصيمك ولحقته
وفي اثناء ملاحقه واتجه إلى بيت او قطين بدو وهو يستفزع
هنا انت يجب عليك تمتنع عنه اذا دخل في حدود البيت وحدود البيت
عند البدو هي حذفة عصى من البيت <<< وهذا مقياس المسافه
واذا صوبته وهو حول البيت يجيبون رجال نشيط ويعطونه عصى تقارب عصى الراعي ويخلونه يرميها بكل قوته واذا تعدت المكان اللي صوبت فيها الطريد يركبك الحق ويستقضي منك راعي البيت على حسب العرف اذا ذبحته الرد يكون مربع يعني القضا اربعه الا اذا جا فيها صلحه
واذا هي طقة عصى وتصويب لها غرم مال او صلح
وهذا طريقة دخلته حلوه اذا كان راعي البيت غايب يدخل البيت وانت تلحقه ويقومن الحريم بطرح بيت الشعر عليه كنايه على انه صار من حرمة البيت
اما اذا اصابتك له كانت خارج حدود حذفة العصا فهو ما زبن وخصومته معك تبقى بينكم

الثاني : المنيع :
..................................

المنيع هو اذا وقعت غزوه او معركه وقط خصمك سلاحه او صوبته وفقد قدرته على القتال هنا يستمنع عليك ولا يبقى له عندك الا حق الدخيل اللي هو الحمايه والعلاج اذا لزم وعقبها تطلقه بدون لا تضره

والثالث :واللي له انواع هو دخيل البيت او طريح البيت اللي يزبن عليك ويطيح في بيتك

..........................

- اولها دخيلك وانت خصمه
==========
هذا النوع من ابرز معاني الشهامه عند اهل الباديه
يعني اذا ذبح واحد احد عيالك تدخله من باقي ربعك وأولياء الدم ثلاث ايام يسمونها المهربات
تعطيه فرصه يهرب فيها الى ان يدخل على ناس يحمونه الى ان تنعقد جلسة القضاء وينحكم له او عليه

- و ثانيها دخيل" واقف شليل"
================
وهذا اذا صارت الخصمه بين عيال عمك وانت طرف ثالث يعني ما تقدر تميل مع احد ضد احد في هذه الحاله تدخله" واقف شليل "
وهو انك تدخله بوجهك وترافقه الى ان توصله ناس يزبنونه واذا وصل ينتهي دورك

- و الثالث طريح البيت
==============

وهذا النوع اشدها وطولها مده واكبرها قدر
وهو ان يدخل الدخيل ويطيح في البيت عند راعيه وبكذا يدخله ودايم الناس تدخل على اللي له قدر لان دخيل البيت يبغى غير الحمايه
يبي احد يتوسط ويسوق جاهه وماله ويحاول يحل الموضوع بالحكمه وتراضي او بلقضاء واذا صار الدخيل مظلوم وجايه جور ينصره وتصل للحروب
وهذي القوانين وضعت عشان لا تكون الدعوى متروكه لثورة الغضب وتصير اخطاء وتعالج باخطاء اكبر
ولم توضع لحماية الجاني بقدر ما وضعت لكي تهدء النفوس ويجدون الفرصه والوقت للحل الذي يكون عادل

موضوع: رد: الدخيل عند البدو 2008-03-12, 8:46 pm

حياك الله يالبركان
على هذه التفاصيل
من حياة اهلنا في البادية

تقبل احترامي

________ا لتــوقيع _________

الباحث الحقوقي
وليد الصكر

موضوع: رد: الدخيل عند البدو 2022-12-25, 5:15 pm

شكرا لك اخي وليد الصگر
على المرور والتعليق

موضوع: رد: الدخيل عند البدو 2023-01-08, 2:49 am

احسنتم بتوصيل صورة من صور
الحياة في مجتمع البادية

موضوع: رد: الدخيل عند البدو 2023-05-09, 9:30 pm

الزميل البركان
شكراً على هذه المساهمة القيمة

موضوع: رد: الدخيل عند البدو 2023-05-13, 11:49 pm

طرح جميل
دمتم سالمين

» قالت بدو..حنا البدو
» الفرق بين البدو الأعراب