احبك

احبك من صدك مومثل حب الناس موحب من دغش كل ســـاعه يتبدل

احبك حب لون ينطش بالولايات جاكل السمع من حبــــــــــك اتعلعل

بصبر جبت الزمان بليل يدفع ليل تلف بيه الليالي وعشـــرتك مغزل

واصبر والصبر من عادة الينظام الم حجي الشماته ولجــــلك اتحمل

ولو هم انتظارك يترس الشكبان ولو عمرك كصير ثنــــــعش ماكمل

ولو بعدك زغير وما تعرف الشوك ولا بدروب حب مجرب وتــــــندل

بساني عشكتك رغم كل ماصار لاتبعد بعيد بداعــــــــتي اتوسل

تراني وداعتك لولحظه عني اتغيب اظل مثل الطفل بطيوفك اتغزل

مدولب بين حسباتي وفكر تعبان ادير العين الك بوصــــافك اتأمل

اكول الليل منك اخذ طبعه الليل عاف المستحه ومن عينك اتكــــحل

يبو الليل الغريج وقادر السواك صاغ من الخلك بس وجــــهك وبطل

وتسالني تحبني لااموت اعليك نبت حبك بدمي وعنه لاتـــــــــسأل

لامو بس احبك حته اغار اعليك احس حته الجتل من غيرتي اســــهل

بكثر ذكرك لوني مسبح الرحمن فلا ظل لي ذنب للاخره مـــــسجل