يل ما ألك جذر

يل ما ألك جذر لاتزعل ويه الريح
أخافنك بهويه وتنشلع سكته
طيح على الهوا وحب ايده من يغتاض
خاوي انته وبعد مابيك كل عته
علي تضحك يخايب وانه علو الغيم
على دموع الفرح هم تضحك النكته
و يا ابو جناح الشمع متعلي وين تريد
تدك باب الشمس جنك غشيم انته
ويا ابو سنون الخشب لاتعظ جف النار
طفو سنين الخشب لو هفتاه وكته
على الماي الضحل يتونس التمساح
ويفرح بالوحل لمن يمد خشته
وعلى موت الشمس يتنومس الخفاش
وعلى الهندس هدومه عيب ماخذته
طميعي الأخطبوط وعنده مية ذراع
لجن وكت المزامط ماله جف فلته
المبرد صح خشن وناعمه خدود السيف
لجن ياهو الركاب انشكلت بذمته
وصحيح السيسبان يلوذ بيه الياس
لجن ياهو صواني العرس عزمته
وصحيح الأثل عالي وفيه فوك التين
لجن ياهو الجفوف تعنت لسلته
وصحيح الجوري نام بذمة الصفصاف
لجن ياهو الخدود تعنت لشمته
دخان المزابل يطم عين الكون
لجن عود البخور الحافو بخته
فوك من الخشم متعلي عرش العين
لجن تصرخ دمع لو سمعت بطكته
لتغرك سكتي كون خلكي يطول
البحر يكتل بصوته ويرهب بمته
وليغرك مجانك كون عالي تصير
شما يعلى النخل ينشف قبل وكته
ولتغرك حذقتك كون سهله تصير
العلاس ابن عمي الماحفظ عمته
ابن عمي صدك لاجنه خاله الذيب
اذا ذيب الخال شترجه بأبن اخته
علي دله الحرامي وجابه نص الليل
وحسباله يحوش ويترس الشلته
ويه اول جدم صحت انه ياهم ذول
وي لمظة زمرهن من بهز صبته
استخطيت ابن عمي وأدري بي علاس
محد كالي بعين الظهر شفته
لاتعتب يكلبي ولا تجثر اللوم
كلمن طينته وكلمن لبن درته
مر يوم وشبح متعدي متل الريح
وأنته بسهم عينك من بعد صبته
صبته بلا حقد وبلا عداوه وياك
ولمن ماقرب لنه الشبخ انته
ياعدوة مرض تنتشر مثل الريح
حتى انته ابد ماسلم من انته
حتى انته ابد ماسلم من انته
الشاعر الشعبي
وليد الفتلاوي

تسلم وتعيش على هذه القصيدة الرائعة
وانشاء تتواصل ومعانا نحو الافضل
تحياتي

the only thing that I can say to you guy's is thank you verey much

شكرا جزيلا لكل الاصدقاء اني رجعت للمنتدى وأخيرا

اهلا بالاخ الشاعر
وليد
رجوعك اسعدني وعسى ان بعدك كان خيرا
فاهلا بك مرة اخرى

الف هلا ومرحبا

ياههههههههههههههههههلا
بشاعرنا الكبير
وليدالفتلاوي
وين هالغيبة الطويلة
عسى مو شر ان شاء الله خير
تحياتي

عمك
ابومعمر

والله أنتقلت الى الولايات المتحدة الأمريكية والأن الحمد لله رجعت للمنتدى مشتاقلكم يالحلة عائلة على وجه الكون
مع أحتراماتي وليد الفتلاوي العراقي

موفق ان شاءالله

حياك الله اينما تكون
انت الشاعر الغالي

هلا ومرحبا بابن العراق
نريد نقرأ الجديد من عندك